Iko wazi kabisa si kipaji tu cha mzee majuto ndicho wasanii wenzeka katika tasnia ya maigizo hapa nchini wanakihitaji katika filamu zao bali ni kung'ara kwa nyota ya mzee huyu ndiyo sababu ziwapelekeazo kumshirikisha katika kazi zao. ukitizama baadhi ya kazi zilizotoka hivi karibuni walizoshirikishwa mzee huyu nyingi hapakuwa na sababu za msingi kumshirikisha acheze ila tu ni kusafiria nyota yake na hatimaye kumlipa kiasi kidogo cha pesa na wao kuuza filamu za kwa pesa nyingi zaidi kulinganisha na wanavyomlipa.

SIFA ZA WASANII ZINAVYOFICHA DONDA LA UMASIKINI LINALOHITAJI TIBA.

Katika nyumba tano hapa mjini kwa sasa iishiyo vijana wapendao filamu zitokazo hollywood basi nyumba mbili kama sio tatu katika ya hizo tano wanafuatilia series au ziite filamu zenye mwendelezo wa mikasa na matukio yaani tamthilia kwa lugha ya kawaida, kuna series nyingi sana zimewahi tayarishwa huko marekani mpaka sasa ila miongoni mwa series zilizopata wafuatiliaji wengi sana hapa mjini na Tanzania yote kwa ujumla wake wakiwemo na hao vijana  niliyowazungumzia hapo awali ni series kama Prison Break, 24hours, Lost , Vampare Diary na nyingine nyingi tu.

Leo katika Big Screen yetu tutaizungumzia series inayokwenda kwa jina la ARROW kama top cover yake unavyo iona hapo juu. filamu hii ni moja ya filamu ninaimani ukithubutu kuianza kuitizama tu sehemu yake ya  kwanza  kiukweli huwezi kuacha kutafuta sehemu ya pili na nyingine zote zifuatiazo  na kukaa chini kuzitizama na hata  mwisho wake kuwa shabiki moja mkubwa miongoni mwa wafuatiliaji ambao hupanga foleni katika internet cafe kuzidownload kila mwisho wa wiki kwa mwajibu wa taratibu wa watayarishaji kuzitoa kila jumatano baada ya kuzionesha kwenye television zao za kibiashara huko marekani na kuziachia kwenye kurasa za mitandaoni kila alhamisi kuwapa fursa wadau wengine kuzidowload kila ijumaa.

ARROW ni filamu ambayo inamzungumzia kijana mmoja aitwae Oliver kutoka katika moja ya familia tajiri kwenye mji wa Starling aliyokuwa akiishi humo nchini marekani ambaye alinusulika kupoteza maisha kwenye ajali ya boti waliyokuwa wakisafilia aliyokuwemo na watu wengine watatu ambao ni baba yake mzazi,msaidizi wa baba yake na mwongozaji boti ile na rafiki wa kike kipenzi.

Oliver hakupata mawasiliano na familia yake aliyoicha huku mjini kwa taklibani miaka mitano  kitendo kilicho wafanya ndugu, jamaa na marafiki wote kuamini wote waliyokuwemo kwenye ile boti katika safari ile walikufa maji. ila Oliver alinusulikia na kuvuka mpaka kisiwa kimoja kilichopo huko Pacific, baada miaka mitano kupita iliyokuwa imetawaliwa na mateso makali na shuluba ya kuwindana na watu waliyokuwa hawana utu kabisa akijitahidi kupigania maisha yake Oliver ana bahatika kupata upenyo na kutoloka kisiwani humo na kurejea mjini.

kijana Oliver anarudi mjini na mbinu nyingi sana alizojifunza huko kisiwani atakazozitumia kurekebisha na kusahihisha makosa yaliyofanywa na familia yake uhususani baba yake na watu wengine waliyokuwa wamefanya na kufanya vitu visivyokuwa sawa na kuukosea mji wa Starling, ila swali la kujiuliza ni kwamba atasahihishaje makosa yote hayo?! ndipo  Oliver anaamua kutengeneza na kujenga uhusika mpya feki wa bwana mmoja alijulikana kama VIGILANTE kwa maana ya mtu ambaye anajichukulia maamuzi mkononi yaani anavunja sheria pale anahitaji fanya vitu vyake, Vigilante huyo alikuwa anatumia silaha ya aina ya mishale.

Leo Big Screen yetu tumeanza na utambulisho na maelezo mafupi juu ya sreies hii ya Arrow ambayo mpaka sasa ipo ungwe ya kwanza tu onesho la kumi na tisa, Big Screen(Bs) ifuatayo tutaangazia wahusika mmoja baada ya mwingine kisha kuendeleza simulizi hili tamu la Series ya ARROW

FAMILIA YA MAREHEMU STEVEN CHARLES KANUMBA KWA KUSHIRIKIANA NA BONGO FILM DATA BASE ILIYOPO CHINI YA KAMPUNI YA POINT INC IMEKAMILISHA ZOEZI LA UTENGENEZAJI TUNZO ZA APPRECIATION KWA WADAU KADHA WA KADHA LEO HII ZITAKAZOTOLEWA KESHO 7/4/2012 AMBAYO NI SIKU AMBAYO ALIFARIKI DUNIA KANUMBA NA NI MWAKA MMOJA SASA UMETIMIA TANGU AIAGE DUNIA.

APPRECIATION
AWARD

In Memory of a great Tanzanian Film Actor of his age
''STEVEN KANUMBA''

HAYO NDIYO MANENO YALIYOPO KWENYE HIZO TUNZO WADAU WENZANGU FILAMU HAPA NCHINI.

KANUMBA MEMORIAL DAY NI KESHO..
R.I.P BROTHER

Sekta ya filamu Tanzania kwa sasa inajulikana duniani licha ya matatizo yake, licha ya mtayarishaji wa filamu wa Tanzania kuendelea kuishi maisha yasiyo tofauti na mtu mwingine wa kawaida! Hali halisi ya soko la filamu nchini inabana sana uwezekano wa kuibuka kwa wasanii, watayarishaji au waongozaji wapya...

Sidhani kama kuna mtu atabisha kuwa filamu za kibongo ‘hazitesi’ katika ukanda wa Afrika Mashariki na maeneo ya Maziwa Makuu. Filamu hizi zimesaidia kwa kiwango fulani kuitangaza nchi hii, kuwatangaza wasanii wa nchi hii, lakini vipi kuhusu maisha ya wasanii hawa? Je, wanapata stahili yao na wanaishi kwa kutegemea filamu pekee?

Kinachosikitisha zaidi: utoaji wa hizi filamu zetu imekuwa kama mchezo wa soka bila refa, sawa na mkutano bila mwenyekiti, darasa bila mwalimu, au nyumba (familia) bila mzazi…

Wafanyabiashara wanaahidi milioni kumi na tano hadi ishirini na ushee kwa sinema; watoaji sinema wanalipua kazi; waigizaji hawalipwi vizuri; utengenezaji sinema unafanywa haraka haraka. Sinema zinatengenezwa kwa wiki moja na zinatolewa ndani ya mwezi mmoja tu. Haraka haraka…

Wasanii wa filamu wanaigiza bila script wala mazoezi, watengenezaji filamu wengi wanatumia mwanya huo kula uroda na wasichana wazuri wazuri (ndiyo maana siku hizi kuwa miss ni kigezo kikubwa cha kupata nafasi ya kucheza filamu, haijalishi kama una kipaji cha kuigiza au la), sinema zinazotolewa nchini eti zinalinganishwa na za Wanaijeria! Tangu lini sinema za Wanaijeria zikawa kipimo cha filamu?

Kwa nini tufuate nyayo za Nollywood katika kuzalisha sinema zetu? Kwa kipi hasa? Hii inatufanya kusimulia hadithi zao; angalia sinema zetu zinavyosimulia uchawi, zinavyosimulia mapenzi au mikasa ya kijamii utagundua hilo. Tunaiga hadithi zao, namna yao ya uchezaji, sinema zao ambazo nyingi zimekuwa zikiigwa kutoka mataifa ya Magharibi na India.

Hivi Watanzania tumelogwa? Hii ni kwa Watanzania wote. Kwanini hatupendi/ hatununui sinema zinazotolewa na Watanzania wenzetu? Kisa? Hazituvutii. Moja ya sababu ni kwamba zinatengenezwa vibaya kwa kulipuliwa. Lakini kwa nini hata sinema zinazotengenezwa vizuri bado hatuzinunui? Kwa nini hatuzifurahii? Kwa nini hatuzitolei maoni na kuzitangaza? Tunachoweza ni kuziponda tu! Hivi hatudhani kuwa hiyo ndiyo njia kuu itakayotufanya tuendelee kama wenzetu, tunaowaona Miungu kutuzidi?

Kwa upande wa waandaaji wa filamu tukumbushane kwamba sinema ni sanaa inayochukua muda. Hatuwezi kutengeneza sinema ikakamilika ndani ya mwezi mmoja tu. Tujipe muda katika kuifanya kazi kwa ufanisi zaidi. Ingawa wapo wanaosema kuwa sababu ya kufanya kazi haraka haraka ni kutokana na matatizo ya pesa ambapo mtu huhitaji kupata pesa haraka ili atatue matatizo yake. Lakini tunasahau kuwa ukitoa kazi nzuri yenye ubora hukaa na huuzika miaka nenda miaka rudi, tofauti na kazi zetu ambazo baada ya wiki mbili zinakuwa hazina tena soko.

Tukumbushane kujipa muda katika uandaaji wa filamu zetu: Mwezi mmoja wa mikutano kupanga mambo (wapi itapigwa picha, nani atafanya nini, waigizaji watatoka wapi, watafanya nini), mwezi mwingine kupanga usanii (mazoezi ya waigizaji, mazingira yao), mwezi mwingine wa kupiga picha. Baada ya miezi mitatu, mingine miwili ya kuhariri na kusahihisha makosa.

Ndipo sasa kifuate kipindi cha kuitangaza kusudi iuzwe. Ukichunguza sana utagundua kuwa sinema haiwezi kumalizika chini ya miezi sita kwa mazingira ya Tanzania. Ndiyo maana wenzetu wanatoa sinema moja tu kwa mwaka lakini pesa wanazopata wanakula kwa miaka kibao. Sisi tunatoa sinema kila mwezi lakini pesa yake ni ya kujikimu tu.

Ni wakati sasa umefika tushirikiane, tuzichangamkie na tuangalie sinema zetu, tuzifurahie na tupeane moyo…

• Goddy Semwaiko Asante kwa mawazo mazuri na mchango mkubwa wa ushauri.
  Kuhusu kutonunua Video za Bongo (Hata siku moja sintaziita Filamu, kwani si filamu)
  Bishop inakuwa ngumu kununua kitu kisichokuwa na ubora, na hata ikitokea mojawapo ina ubora, inakuwa ngumu kuigu...See More

  March 25 at 11:36am via mobile · Like · 1
• 

  Goddy Semwaiko Kama Music Video ya dakika 4 inatengenezwa kwa ubora, wasanii wanahangaika mpaka wanasafiri nje ya nchi kutafuta ubora, inakuwaje Video za maigizo za dakika 90-120 zisitengenezwe kwa ubora?
  Nadhani wanaweza kupiga mahesabu vizuri tu na kujipanga.

  March 25 at 11:39am via mobile · Like · 1
• 

  Coletha Raymond kaka upo?????????mbona kimya sana???????????hatutafutani????

  Thursday at 6:04pm · Like

Tizama video hapo chini;

<iframe width="560" height="315" src="http://www.youtube.com/embed/nXphUayWLS0" frameborder="0" allowfullscreen></iframe>

Hapa nchini kuna majumba machache ya sinema lakini ukiyaangalia sana ni kama hayapo Tanzania maana mara nyingi yanaonyesha films za hollywood na bollywood/ india ingawa pia watengenezaji wa films za kitanzania wanaonekana kukosa ufahamu au weledi wa kutumia majumba haya, ila ikiwa wasanii wataungana na kufanya harambee za kukusanya pesa kwa kuanzia hata na majumba 2 au 3 kwa msaada wa serikali na wao wenyewe hili linawezekana na ni moja ya njia ya kuwashikisha adabu baadhi ya wasambazaji waliojaa unyonyaji huku wakikosa ubunifu wa namna ya kutangaza films ambazo sio za kimapenzi ili ziuzike yaani wasambazaji hawa ni kama hawana nia ya dhati ili films zetu zifike mbali ila mapenzi tu ndio films! suala hili linawezekana ikiwa wasanii wataacha kufanya sherehe au party zisizo na kichwa wala miguu kila siku na kuchangishana pesa nyingi kwenye harusi halafu ndoa zenyewe nyingi hazidumu zikiwa na lengo la kujionyesha tu mbele za watu ,na ikumbukwe kuwa kuna wafanyabiashara wazalendo wengi tu ambao wanaweza kuwa interested na hata kuwekeza kwenye project kama hizi ikiwa wataona wasanii wenyewe wana maono ya mbali ili kufanikiwa, na ikiwa hili litatiliwa maanani basi hata ndani ya miaka 5 ijayo tayari njia nzuri itakuwa ishaanza kuonekana kuliko hali ilivyo sasa msambazaji ndio huamua kuwa film imeuza au haijauza hata kabla haijaingia sokoni wakati wa kuliamua hili ni wanunuzi au mashabiki wenyewe baada ya kuona film sokoni . 

Ukweli ni kuwa Tanzania ina nafasi kubwa sana ya kufanya vizuri kuliko hata Nigeria maana Nigeria yenyewe imeanza muda kidogo ila kuna films nyingi ukiziangalia zina makosa kibao kama za kibongo na hii ndiyo sababu licha ya Nigeria kuzalisha utiriri wa films kibao kila siku lakini nyingi zinashindwa kushindana na chache kutoka south Afrika ambazo zinatamba mpaka nje ya bara la afrika wakati za Nigeria nyingi zimeishia barani afrika. Ikiwa tutaendelea kutegemea uuzaji wa dvd na vcd kama chanzo kikuu cha mapato wakati india na hollywood huwa chanzo kingine baada ya majumba ya cinema hatuwezi kuwa mabilionea kupitia films hata siku moja na amin usiamini majumba ya sinema yakijengwa wasambazaji watakuwa na nidhamu kwa maproducer na hata kuwashobokea ili wafanye biashara kuliko sasa, pia haya majumba machache yaliyopo yataacha kasumba zao na kugeukia films za kitanzania. ila hili litawezekani kwa asilimia kubwa huku tukiwa tunazidi kuziboresha films zetu ili huko kwenye cinemas tusije kuwachosha watu kama ilivyo sasa mtu hata nyumbani kwake film ya kibongo inamboa . suala la kuwa sisi ndo kwanza tumeanza lisiwe kigezo cha sisi kuchukuwa miaka kibao ili kufika mbali maana walioanza zamani mazingira yao yalikuwa magumu kuliko ulimwengu wa leo. pichani ni THEA 1 wa waigizaji wetu wachache wenye viipaji halisi ambavyo vinatakiwa ili kuifikisha tasnia hii anga za kimataifa

CHANZO CHA STATUS NA PICHA;

Deo Mutta Mwanatanga

“Umefika wakati kwa Serikali kusikia kilio hiki cha wasanii na kuweka mbinu kali zitakazosaidia kuokoa maisha ya wasanii wanaoendelea kuwa masikini kila kukicha kutokana na uwepo wa watu wachache wanaoiba kazi zao” 

“Tuna imani kuwa kama kazi za wasanii zitasimamiwa vizuri, tutaweza kuongeza pato la Taifa kwa kiwango kikubwa ikizingatiwa kuwa sanaa hii kwa sasa hapa nchini imeonyesha mafanikio isipokuwa kuna watu wachache ndiyo wananufaika nayo” alisema Mwakifwamba.

Naye Mwenyekiti wa Bongomuvi Jacobo Steven ‘JB’ alisema sanaa inaweza kuwa na nafasi ya tatu kwa kuchangia pato la Taifa ukiacha pato linalochangiwa na sekta za madini maliasili pamoja na utalii.

Alisema Serikali inapswa kuonyesha makali yake kwa kuwakamata wahusika wote wa wizi wa kazi hizo ili kuendeleza nguvu za wasanii wa hapa nchini walioamua kujitoa mughanga kufanya kazi zao.

Kwa upande wake Meneja usimamizi kutoka TRA Msafiri Ndimbo alisema Mamlaka hiyo imejipanga kudhibiti wizi wa kazi hizo kuanzia Januari Mwakani hasa baada ya Serikali kupitia Bunge lake kukubalina kuweka mikakati ya kupamba na suala hilo. 

Na mdau wetu; markus Mpangala